Краснодар өлкесіндегі Иль мұнай өңдеу зауытында өрт шықты, деп хабарлайды inbusiness.kz ТАСС-қа сілтеме жасап.
ТЖМ мәліметтері бойынша, өрт сөндірілді, ешкім зардап шеккен жоқ.
МӨЗ қызметкерлері эвакуацияланды, деп нақтылады Краснодар өлкесінің әкімшілігі. Аймақ губернаторы Бенджамин Кондратьев бұл жағдайға тұрғысында әлі түсініктеме берген жоқ.
Өрттің шығуына "күні бұрын дронның шабуылынан қалған өрт ошағының өздігінен тұтануы" себеп болуы мүмкін. Әуе қондырғыларының бірі бүлінген, деп түсіндіреді Интерфакс, ауданның Бірыңғай кезекші диспетчерлік қызметіне сілтеме жасай отырып.
Сонымен қатар, Mash Telegram-арнасы мұнай өңдеу зауытына диверсанттар тобы шабуыл жасады деп мәлімдейді. МӨЗ қызметкерлерінің айтуынша, шабуылдаушылар жарылғыш құрылғының көмегімен бесінші қондырғыны бұзып, содан кейін "құбыр арқылы жасырынуға тырысқан", бірақ олар ұсталды.
Краснодар өлкесінде мұнай өндеу зауыты осымен екінші рет өртенді. Бұған дейін Темрюк ауданының Волна кентінде өрт шықты. ТАСС жедел қызметтерге сілтеме жасай отырып, Волна кентіндегі мұнай өнімдері сақталатын резервуар дронның құлауынан өртеніп кеткенін хабарлағанын еске саламыз.
