Олардың сөзінше, бүгінгі таңдағы басты міндет – қоғамда құқықтық мәдениетті дамыту, деп жазады inbusiness.kz Астана қаласы әкімдігінің баспасөз қызметіне сілтеме жасап.
"Әділет" қоғамдық бірлестігінің басқарма төрағасы Еркін Томпиевтің сөзінше, бүгінге дейін 100 мыңнан астам азамат көмек алған.
Сарапшылардың пікірінше, тауарлар мен қызметтерді сатып алушылардың құқығын сақтамаудың басты себебі – құқықтық сауаттылықтың төмендігі.
"Заңгерлер өте көп. Бірақ олар тек үлкен төлемдермен күрделі міндеттерді шешеді, ал тұтынушылардың құқығын бұзу көбінесе заңгерлердің қызметінен төмен тауарлармен байланысты. Сондықтан көптеген азаматтар сараптамалық көмектен айырылып, өз құқықтарын өз бетінше қорғауға мәжбүр", - деді қалалық заң консультанттары палатасының басқарма мүшесі Серік Беркамалов.
Оның айтуынша, бұл мәселедегі басты міндет – қоғамда құқықтық мәдениетті дамыту.
"Барлығына негізгі білім қажет. Еліміздегі әрбір азамат өз құқығының сақталуын мұқият қадағалай бастағанда ғана кәсіпкерлердің тұтынушыға құрметпен қарауын үйрете аламыз", - деді заңгер.
Маман мемлекет тұтынушылардың құқықтарын қорғау жөніндегі тәуелсіз қауымдастықтарға қаржылай қолдау көрсету арқылы осы мақсатқа қол жеткізе алатынына сенімді.
