"Бұл мәселе жыл сайын көтеріледі. Мектеп бітіру кеші мектепте өткізілетін жақсы дәстүр бар. Алайда, соңғы кезде кім, қайда өткізетіні бәсекеге айналды", – деді Күләш Шәмшидинова бүгін баспасөз жиынында.
"Біріншіден, мектеп бітіру кеші біздің ата-аналарымыз, яғни өзіміз жасағандай өту керек. Кеш, шын мәнінде мектеппен қоштасу кеші болуға тиіс. Ең бастысы – ата-ана да, мектеп те баланың қауіпсіздігіне мән беруі керек. Кез келген шара осы сұраққа жауап беруі қажет. Сондықтан мектеп бітіру кеші тек мектеп шеңберінде, мектепте, ысырапсыз өту керек деп есептейміз", – деп атап кетті министр.
"Лық толы дастарқан мен қымбат көйлектер қажет емес. Мектеп бітіру кеші киім көрсетіп, жарысу үшін емес, ата-аналар мен балалардың кездесуі үшін өткізіледі", – деп толықтырды министр
