"Бюджет қаражаты есебінен жалпы ауданы 280 мың шаршы метрді құрайтын 3 164 пәтерлік 51 тұрғын үй салынып жатыр. Жыл соңына дейін 25 тұрғын үйді пайдалануға беруді жоспарлап отырмыз", – деді Атырау облысының әкімі.
Облыс басшысының баяндауынша, биыл тұрғын үй құрылысы үшін 2 747 жер учаскесіне инженерлік, көліктік инфрақұрылымын жүргізуге арналған 27 жобаны жүзеге асыруға 12,6 млрд теңге бөлінді.
"Әлеуметтік нысандардың да құрылысы қарқынды жүріп жатыр. Атап айтқанда, биыл 11 балабақшаның, 2022 жылы 3 балабақшаның құрылысы аяқталады. Қазіргі таңда 5 224 орындық 10 мектеп салынып жатыр. 1 410 орындық 3 мектептің құрылысын бастау жоспарланып отыр. Медициналық колледждің 200 орындық жатақханасы салынуда. Биыл 25 орындық жастар үйі пайдалануға берілді. Атырау қаласында жанұялық үлгідегі балалар ауылының құрылысы аяқталуға жақын. Денсаулық сақтау саласында 7 нысанның құрылысы жүріп жатыр. Бұдан бөлек 2 денсаулық сақтау нысаны құрылысы басталады. Үш ауданда 4 ауылдық мәдениет үйі бой көтеріп келеді. Салынып жатқан 6 спорт нысанының 5-і биыл тапсырылады. Құлсары қаласындағы орталық стадион 2022 жылы ашылады", – деді Махамбет Досмұхамбетов.
Қанат Махамбет
