2019 жылдың алғашқы тоғыз айында құмар ойындар мен бәс тігу бойынша бақыланбайтын экономика секторын қосқандағы қызметтер көлемі 9,7 млрд теңгені құрады. Бұл өткен жылдың сәйкес кезеңімен салыстырғанда 37,4%-ға төмен, деп хабаралады Finprom.kz.
Ал бақыланбайтын экономика секторын қоспағанда жыл басынан бері көрсеткіштер 15,5 млрд теңгеден 9,5 млрд теңгеге, яғни, 38,5%-ға қысқарған.
Аталған сала бойынша еліміздің үш өңірінде жағымды динамика байқалады. 2019 жылдың қаңтар-қыркүйегінде Қызылорда облысында көрсеткіштер 2,7 есеге (6,1 млн теңге), БҚО-да 30,6%-ға (27,8 млн теңге), Ақмола облысында 4,5%-ға (1,3 млрд теңге) жоғарылаған.
Ал ШҚО мен Шымкентте көрсеткіштер керісінше 97,2%-ға, Маңғыстау облысында 96,2%-ға, Нұр-Сұлтанда 96%-ға төмендеген.
Жалпы құмар ойындар секторының басым бөлігі Алматы (7,2 млрд теңге) мен Ақмола (1,3 млрд теңге) облыстарына тиесілі.
