Елордада өлім көрсеткіші төмендеді, оған қоса қалада өмір сүру ұзақтығы екі есе артты, деп хабарлады Астана әкімдігінің медиа орталығы.
2016 жылы 2011 жылмен салыстырғанда қалада өлім көрсеткіші 2 пайызға азайды, деп хабарлады Астана денсаулық сақтау басқарма басшысының орынбасары Тимур Мұратов.
Оның сөзіне қарағанда, өлім көрсеткішінің басты себептерінің бірі – қан айналым жүйесі, онкологиялық аурулар, жарақаттар мен олардың салдарлары.
Онымен бірге Тимур Мұратов атап өткендей, соңғы 5 жылда Астанада туу көрсеткіші 23 пайызға өсті, экономикалық ынтымақтастық және даму ұйымы елдеріндегі көрсеткіштерден 3 есе өсті.
"Айта кеткен жөн күн сайын елордада 74 нәресте дүние есігін ашады, 10 адам қайтыс болады, 1,5 мыңнан астам адам жедел-жәрдем қызметінің көмегіне жүгінеді, 400-ге жуық емделуші ауруханаға жатады, 8500-ден астам адам емханаларға барады", - деді Т. Мұратов
Медициналық қызметтерді тұтынуды қамтамасыз ету үшін елордада медициналық ұйымдардың желісі құрылды. Астанада 29 стационармен және 25 амбулаториялық-емханалық ұйыммен стационарлық қызмет ұсынылды.
2016-2019 жылдарға арналған "Денсаулық" денсаулық сақтауды дамыту бағдарламасын іске асыру аясында елордада салауатты өмір салтын қалыптастыру орталығы жұмыс істейді. Сонымен бірге Астанада халықты амбулаториялық деңгейде дәрі-дәрмекке қолжетімділік қамтамасыз етілуде. Ол үшін жыл сайын шамамен 4 млрд теңге бөлінеді.
2016-2019 жылдарға арналған "Денсаулық" денсаулық сақтауды дамыту бағдарламасының негізгі мақсатты көрсеткіштері өмір сүру ұзақтағын арттыру болып табылады.
Айта кетейік, соңғы 5 жылда Астанада өмір сүру ұзақтығы 2 есе артты. Астана халқының өмір сүру ұзақтығын экономикалық ынтымақтастық және даму ұйымы елдерінің бірінші бестігімен салыстырғанда, 2020 жылға дейін елордада 0-14 жас аралығындағы балалардың өмір сүру ұзақтығы – 33 пайыз, 65 жастағы жоғары – 4,9 пайыз.
