/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Құрбан айт қарсаңында қой қымбаттады

Құрбан айт қарсаңында қой қымбаттады

Ертең Құрбан айттың алғашқы күні.  

30 Шілде 2020 21:57 292

Құрбан айт қарсаңында қой қымбаттады

Мереке қарсаңында аймақтарда қой қымбаттап кетті, деп хабарлайды Atameken Business.

Тіпті кей өңірлерде құны 80 мың теңгеден асады. Осыған байланысты әріптесіміз Алмас Амангелі бүгін мал базарын аралап, бағалармен танысты. Ол студиямызға қосылып толық ақпарат беруге дайын.

Құрбан айт алдында елордада 2,5 мың адам етке мұқтаждығын білдірді

Имамдарға үлкен жауапкершілік артылып тұр.  

28 Шілде 2020 13:54 200

Құрбан айт алдында елордада 2,5 мың адам етке мұқтаждығын білдірді

Нұр-Сұлтан қаласының өкіл имамы, «Әзірет Сұлтан» мешітінің бас имамы Ерболат Жүсіпов құрбандық шалу кезінде халықты діни басқармаға сенуге шақырды.

«Діни басқарма осы үлкен шараны қолына алып жатыр. Онлайн құрбандық деген – сіз үшін басқа бір адам осы істі мойнына алуы. Яғни сіздің құрбаныңызды, малыңызды таңдайды, құрбандық рәсімдерін орындайды, дұғасын бағыштайды және шариғат талаптарына сай сізге құрбандық шалып береді. Бұл жерде сенімсіздік керек жоқ. Діни басқарма, елдің мешіттеріндегі барлық имамдар бұл құлшылыққа үлкен жауапкершілікпен қарап отыр. Хазіретіміз айтқандай, бұл жерде жеке мүддені, пайданы көздемеу керек. Бұл шара имамдарға үлкен жүк болып, жауапкершілік артылып тұр», – деді Ерболат Жүсіпов.

«Әзірет Сұлтан» мешітінің бас имамы қазіргі ел қиналып жатқанда барынша сауап болатын амалдары жасау арқылы басқа адамға көмектесуге болатынын айтты.
«Діни басқарма жанынан qurban2020.kz/kk/ сайтына қазір адамдар тікелей өтінішін беріп жатыр. Бүгінгі күні елордада 2,5 мың адам етке мұқтаждығын айтып, өтініш білдірді. Қазір 150 қой және 5 ірі қараға өтініш бар. Бұл сайтта құрбандық шалуға ниет етумен қатар, етке мұқтаж адамдарға да жағдай қарастырылған. Сондықтан сенімсіздік, күмән болмауы керек», – деді қаланың бас имамы.

Имамның сөзінше, құрбандық шалу кезінде кері байланыс орнатылып, әр адамның аты-жөні айтылады және есеп беріледі. Бірақ қанның аққаны көрсетілмейді. Еттің таратылуы қалалық әкімшілікпен бірге өкілдіктегі «Шарапат» орталығының еріктілері жүзеге асырмақ.

Нұржан Көшкін
 

Құрбандыққа шалынатын қойдың бағасы 50 мың теңге болады

Қой мен ешкі бір жасар болуы керек.

28 Шілде 2020 12:22 455

Құрбандыққа шалынатын қойдың бағасы 50 мың теңге болады

Нұр-Сұлтан қаласының өкіл имамы, «Әзірет Сұлтан» мешітінің бас имамы Ерболат Жүсіпов арзан қойлардың шариғат талабына сай келмейтінін айтты.

«Нұр-Сұлтан қаласында қойдың бағасын 50 мың теңге, ал ірі қараны 350 мың теңге деп бердік. Кей адам «30-40 мың теңгеге бір қойды құрбандыққа шала аламын» дейді. Бұл жерде қойдың жасына назар аударуымыз керек. Мысалы, алты айға жетпеген немесе арықтау тоқтыларды 35-40 мыңға алуыңыз мүмкін. Бірақ қой мен ешкі бір жасар болуы керек. Ал жақсы, кемшіліктен ада бір жасар қойдың елдегі бағасы 50 мың теңге. Бұл өте жақсы баға. Тағы айтамын, 35-40 мың теңгелік бір жасқа толмаған қойлар шариғат талабына сай келмейді. Елордадағы базарлардағы бағаны зерттей келе, орташа баға 50 мың теңге деп шешілді», – деді өкіл имам.

Нұржан Көшкін