Абай облысында жүргізуші куәлігінсіз жүрген мас әйел жол-көлік оқиғасын тудырып, бірден үш көліктің зақымдануына себеп болды, деп жазады inbusiness.kz сайты.
Абай облысы полиция департаментінің хабарлауынша, рөлді оған мас күйдегі күйеуі бергені анықталды. Жол апаты Курчатов қаласында болған.
Оқиғадан кейін әйел жүргізуші медициналық тексеріске жеткізілді, оның нәтижесі орташа дәрежедегі алкогольдік масаң күйде болғанын көрсетті.
"Сонымен қатар, автокөлік иесі – құқық бұзушының күйеуі – де мас күйде болғаны және жүргізуші куәлігі жоқ адамға көлікті басқартқаны анықталды", – деп хабарлады полиция.
Ерлі-зайыптылар әкімшілік жауапкершілікке тартылды. Енді оларды сот күтіп тұр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
