Бүгін елорда кілемінде грек-рим күресінен 67, 87 және 97 келі салмақ дәрежелері бойынша іріктеу айналымдары өтуде. Сондай-ақ, 55, 63, 72, 82 келі салмақ дәрежесіндегі жеңімпаздар мен жүлдегерлер анықталады, деп хабарлайды Olympic.kz.
87 келіде Қазақстан намысын қорғайтын Азамат Күстібаев бірінші белдесуінде сенімді түрде жеңіске жетті. Азамат венесуэлалық қарсыласын 5:1 есебімен жеңді.
Өкінішке қарай, 67 келідегі үздіктердің бірі Мейіржан Шермаханбет америкалық Эллис Колиманға есе жіберді. АҚШ балуаны 10:2 есебімен жеңіске жетті. Енді америкалық балуанға финалға өткен жағдайда ғана Мейіржанның жұбаныш белдесуге шығуына мүмкіндік бар.
87 келіде белдескен Азамат Күстібаев 1/8 финалға жолдама алды. Ол 1/16 айналымда франциялық балуанды 7:1 есебімен жеңді.
