Energyprom.kz сайты жылдың алғашқы аптасында азық-түлік бағасы қалай өзгергеніне талдау жасады.
"Аталмыш кезеңде қарақұмық жармасы 1% қымбаттады. Жұмыртқа 0,7%, макарон өнімі мен ірімшік 0,6%, сары май мен сарымсақ 0,5%, картоп пен сәбіз 0,4% қымбаттаған. Ұлттық банктің болжамы бойынша инфляция 4-6% деңгейінде сақталады. 1-8 қаңтар аралығында 19 түрлі азық-түліктің бағасы 0,1% өскен. Тек күріш бағасы ғана 1% арзандады", – деп жазады Energyprom.kz.
Ұлттық банктің есебі 2019 жылдың 12 айында ет, нан-тоқаш өнімдері мен жарманың бағасы 13,4 және 15,5% қымбаттағанын көрсетті. Яғни, қаңтар-қыркүйек аралығында тұтыну импорты 7,4%-ға артқан. Ал азық-түлікке жатпайтын тауар импорты 11,2%-ға ұлғайған. Energyprom.kz осы тенденцияларды алға тарта отырып, 2020 жылы да тұтыну бағасына инфляциялық қысым болатынын болжайды.
