"Онда құс етін сумен инъекциялауға, тағамдық қоспаларды, соның ішінде фосфаттарды, сондай-ақ консерванттар мен дәм күшейткіштерді енгізуге, ерігеннен кейін бөлінетін ылғалдың нормативі 4%-дан аспайтын секілді тыйым салатын талаптар көзделген", - деді Қуаныш Елікбаев Орталық коммуникациялар қызметінде өткен брифингте.
Спикер бұдан бөлек ҚР ұлттық техникалық регламенттерінің жоғары вольтты жабдықтар мен алкоголь өнімдеріне арналған жобалары әзірленгенін де атап етті.
"Азаматтарды қауіпті өнімдерден қорғау үшін Қазақстанның жоғары вольтты жабдықтар мен алкоголь өнімдеріне арналған ұлттық техникалық регламенттерінің жобалары әзірленді. Бұл өрттің, сапасыз жабдықты пайдалану кезіндегі жарылыстардың, сапасыз алкогольден уланудың және денсаулыққа зиян келтірудің қауіп факторларына, сондай-ақ жосықсыз импорттан қорғауға байланысты", - деді ол.
