ҚР ауылшаруашылығы министрлігі ресейлік 36 құс фабрикасының өнімін ел аумағына кіргізбей қойды.
Осыған қатысты хабарлама таратқанда министрлік халықаралық эпизоотикалық бюро Ресей Федерациясының аумағынан құс тұмауы вирусын анықтағанын алға тартты.
"Ақпаратқа сәйкес, Ресейде эпизоотикалық жағдай қиындап кеткен. Жабайы құстар үдере көшіп, құс тұмауының таралуын өршіткен. Осыған орай құс өнімдерінің қауіпсіздігіне қатысты мемлекеттік саясатты жүзеге асыру үшін ҚР ауылшаруашылығы министрлігі 2018 жылғы 21 маусымнан бастап ел аумағына Ресейден тірі құс пен жұмыртқа және құс етін енгізуге шектеу қойды", - деп хабарлады министрлік.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
