/img/tv1.svg
RU KZ
Қушоқы – өркениеттен үзілген елдімекен

Қушоқы – өркениеттен үзілген елдімекен

Өркениеттен үзілген елдімекен.  

16 Қыркүйек 2020 22:22 262

Қушоқы – өркениеттен үзілген елдімекен

Қарағанды облысында кәсіпорын иелігінен әкімшіліктің қарауына өткен Қушоқы аулының тұрғындарына жедел жәрдем мүлдем келмейді екен , деп хабаралайды Atameken Business.

Ал, сорғалап аққан ауыз судың қысымы көпқабатты үйлердің бірінші қабатынан жоғарыламайтын көрінеді. Ол аздай, жылыту батареяларынан алатын ыстық суға химиялық қоспа құйылатын болыпты.  

Жоғалған 2 жасар баланы іздеу тоқтады

 Қазан айының басында 2 жасар бала үйінің айналасынан сәл ұзап кетіп, көзден ғайып болған.

19 Қазан 2018 09:56 592

Құтқарушылар Қарағанды облысының Балқаш ауданындағы Техснаб ауылында үйінің айналасында 2 қазан күні жоғалып кеткен 2 жасар баланы іздеуді тоқтатты, деп хабарлайды ҚазАқпарат.

«Баланы белсенді іздеу шаралары аяқталды. Енді құтқарушылар аймақты тек көзбен шолып жүр», - деді Қарағанды облыстық төтенше жағдайлар департаментінің өкілі Жанна Дәуренбекова.

Ведомство өкілдерінің деректерінше, баланы іздеу жұмыстары ешқандай нәтиже бермеген. Қазір төтенше жағдайлар қызметінің өкілдері Балқаш көлінің айналасын шолып, жағалауды бақылап жүр.

Айта кетейік, қазан айының басында 2 жасар бала үйінің айналасынан сәл ұзап кетіп, көзден ғайып болған. Ішкі істер органында осы оқиғаға байланысты іздестіру-құтқару жұмыстарын ұйымдастыру үшін арнайы штаб құрылды. Штаб құрамына өрт сөндіру, құтқару қызметінің өкілдері мен кинологтар және еріктілер тартылды.

Бірде бір әуе кемесі жасап шығарылмаған зауыт ғимараты құрғақ сүт өндірушілерге беріледі

«КазАвиаСпектр» зауыты 2012-ші жылы салынған. Алайда, жұмыс істеген уақытында зауыттан бірде бір әуе кемесі жасап шығарылмады. 2017-ші жылы ол банкрот деп жарияланды.

12 Қазан 2018 17:57 661

Бұрынғы «КазАвиаСпектр» зауытының ғимаратында құрғақ бие сүті өндірілетін болады, деп хабарлайды өңір әкімінің баспасөз қызметі.

Жақын арада көпшілікке танымал, конвейерінен бірде бір ұшақ шығарылмаған авиазауыттың ғимаратында құрғақ бие сүтін өндіретін кәсіпорынның цехі орналасатын болады. Бұл жобаны жүзеге асыруға көмектесуге ҚР ауыл шаруашылық министрі Өмірзақ Шүкеев уәде берді. 

Қазір «Евразия Инвест ЛТД» құрғақ бие сүтін өндіретін зауыт Жансары кентінің маңында орналасқан. Онда 700 бие сауылып, сүті өңделеді. Дайын ұнтақ фармацевтика мен балалар тағамын шығаруда қолданылады. Өнім Ресей мен Қытайға экспортталады. 

Сүтті ұнтаққа айналдыру технологиясы Қазақстан үшін бірегей. Осы секілді өндіріс, бірақ анағұрлым кішірек көлемде Германияда ғана бар. 

"Біздің қазіргі зауыт шалғайда орналасқандықтан белгілі-бір қиындықтарға тап болып отырмыз: электр қуаты кейде өшіп қалады, қысқы уақытта өнімді жеткізу қиынға соғады, білікті мамандарды жұмылдыру күрделі. Біз ол мәселелерді шешу жолдарын құрдық. Қарағандының маңында орналасқан бұрыңғы «КазАвиаСпектр» зауытының ғимаратын сатып алдық. Онда сүтті ұнтаққа айналдыруға арналған құрылғыларды орнатуды жоспарлап отырмыз, ал мұнда мал басын 1500-ға дейін ұлғайтып, биелерді асырып, сауатын боламыз. Осы шаралар арқылы біз тұрғындардан маусымда 2 млн литр сүт сатып алып, дайын өнім көлемін 200 тоннаға дейін ұлғайтуға мүмкіндік береді. Алайда ол үшін бізге 3 млрд 80 млн теңге көлемінде қаражат қажет", - деді министрге жылқы зауытының басқарушысы Баян Елшин. 
Оған Өмірзақ Шүкеев бұл мәселені шешуде көмек көрсететінін айтып, уәде берді. 

Естеріңізге сала кетейік, «КазАвиаСпектр» зауыты 2012-ші жылы салынған. Онда «Фермер-2» және «Фермер - 500» модельді ұшақтар жасалып, экспортталуға тиіс болатын. Алайда, жұмыс істеген уақытында зауыттан бірде бір әуе кемесі жасап шығарылмады. 2017-ші жылы ол банкрот деп жарияланды. Зауыттың ғимараты мен оның ішіндегі барлық қосымша құрылыстары және аумағы 2012-ші жылдан бері «КазАгроФинанс» атынан несие бойынша кепілдік қамсыздандыру болып табылады.