Алматы қаласы маңындағы Шымбұлақ шатқалында жартаста қалып қойған үш жасөспірімді Төтенше жағдайлар министрлігінің құтқарушылары аман-есен эвакуациялады, деп хабарлайды inbusiness.kz сайты.
"Республикалық жедел-құтқару жасағының құрамы Медеу постынан дереу оқиға орнына аттанды. Құтқарушылар координаталар бойынша тауға көтеріліп, арнайы альпинистік құралдардың көмегімен тік жартастардан жасөспірімдерді қауіпсіз жерге түсірді", – делінген ақпаратта.
Құтқарылғандар – 2007 жылы туған екі ұл және 2008 жылы туған бір қыз. Олардың жағдайлары қанағаттанарлық, медициналық көмек қажет болмады.
Кейін жасөспірімдер құтқару постына жеткізіліп, ата-аналарына тапсырылды.
Құтқарушылар таулы жерлерге шыққанда қауіпсіздік ережелерін қатаң сақтауға кеңес береді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
