Министр құтқарушылар ауыр физикалық және психологиялық жүктемемен жұмыс істейтінін мәлімдеп, олардың зейнет жасын азаматтық қызметшілер санаты бойынша қысқарту қажеттігін айтты, деп хабарлайды inbusiness.kz.
"Азаматтық қорғау органдары қызметкерлерін әлеуметтік қамтамасыз етуді жақсарту үшін тұрғын үй төлемі мәселесі пысықталып жатыр. Бұған қоса құтқарушылардың зейнет жасын төмендету мәселесі қарастырылуда. Қазір құтқарушылар зейнетке 63 жаста шығады", – деді Юрий Ильин.
Айта кетейік, аттестатталған құрамдағы құтқарушылардың саны – 19 273 бірлік. Оның ішінде 7 859 қызметкер тұрғын үйге мұқтаж.
Биыл өрт сөндірушілердің жалақысы 10% -ға өсті. Алдағы 3 жылда азаматтық қорғау қызметкерлерінің жалақысын 58%-ға ұлғайту жоспарланып отыр.
Қанат Махамбет
