DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Күзде коронавирус пандемиясы екінші рет қайталануы мүмкін – АҚШ ғалымы

Күзде коронавирус пандемиясы екінші рет қайталануы мүмкін – АҚШ ғалымы

Аталған вирус АҚШ-тың экономикасына тағы да соққы болуы мүмкін.  

01 Сәуір 2020 19:27 680

Күзде коронавирус пандемиясы екінші рет қайталануы мүмкін – АҚШ ғалымы

Энтони Фаучи есімді жергілікті иммунолог әрі инфекциялық дерттер зерттеушісінің болжамы осындай. Бұл туралы Әл-Джазира агенттігі хабарлады.

Айтуынша, Covid-19 инфекциясы қазан және қараша айларында тағы да өршуі ықтимал.

Ескере кететін жайт, бұған дейін де бірнеше рет өзге вирустар күз айларында қайтадан етек жайған екен. Мысалы, H1N1 пандемиясының дүмпуі 2009 жылы АҚШ-та екі мәрте тіркелген (CDCP мәліметі). Сол жылдың мамыр және маусым айында тараған індет қазан айының соңында екінші қайтара ушыққан. Бұл пандемияның мүлдем басылғаны, яғни H1N1 вирусын жұқтырғандар санының тыйылғанын Дүниежүзілік денсаулық сақтау ұйымы 2010 жылдың тамыз айында жария еткен болатын.

Бірақ Фаучи пандемия күзде қайталанса да, оның қарқыны қазіргідей болмайтынын басып айтты. Өйткені Құрама Штаттардың ол уақытқа дейінгі дайындығы жоғары болады, яғни билік вирусты анықтайтын препараттарды, ауруларды дереу анықтау процесін және оқшаулану шараларын жетілдіріп үлгереді. Сондай-ақ ол вакцина жасап жатқандардың қатары көп екенін және оның біреуі қазір жете зерттеліп жатқанын айтты. Егер де сынақтар сәтті өтсе, жаз мезгілінде екпе жұмыстары басталуы мүмкін екенін де тілге тиек етті.

Ол Дональд Трамптың 240 мыңға жуық адам осы вирустан қайтыс болады деген мәлімдемесіне қатысты пікірімен бөлісті. Фаучи бұл тек болжам ғана, осыншама адам нақты ажал құшады деп санаудың керек еместігін айтты.

Джонс Хопкинс Университетінің соңғы мәліметі бойынша, АҚШ қазір вирус жұқтыру көрсеткіші бойынша көш бастап тұр. Елдегі науқастардың саны 189 мыңнан асқан. Ал 4 мыңнан астам адамның ауруы асқынып қаза тапқан.

Табиғат Нұрболат

inbusiness.kz-ті қараңыз, оқыңыз :

Елордадағы автобустар 12 мамырда жүре бастайды

Тұрғындар санитарлық-эпидемиологиялық нормаларды қоғамдық көлікте де сақтауы тиіс.  

11 Мамыр 2020 18:27 136

Елордадағы автобустар 12 мамырда жүре бастайды

11 мамырда өткен онлайн баспасөз мәслихатында Елорда әкімінің орынбасары Бақтияр Мәкен осындай мәлімдеме жасады.

«Бүгін мемлекет басшысы қоғамдық көліктер жұмысының басталуына тоқталған болатын. Ертеңнен бастап біз қаладағы қоғамдық көліктің жұмысын толығымен бастатамыз. Қозғалыс бағыты туралы ақпарат БАҚ өкілдеріне хабарлаймыз. Ең бастысы барлық санитарлық-эпидемиологиялық нормаларды тек қоғамдық орындарда емес, сонымен қатар қоғамдық көліктерде сақтау керек. Тұрғындар қозғалысының қауіпсіздігін қамтамасыз ету үшін автобус парктерінің басшылығы жұмыс атқарып жатыр», – деді Мәкен.

Ескере кететін жайт, 11 мамырдан бастап қаладағы саябақтар ашылған болатын. Қала әкімінің орынбасары тұрғындарға санитарлық нормаларды сақтай отырып серуендеу керектігін ескертті.

Табиғат Нұрболат

Оңтүстік Корея АҚШ-қа Covid-19 анықтайтын 600 мың тест жібереді

Бұларға Дональд Трамп тапсырыс берген.  

13 Сәуір 2020 19:01 144

Оңтүстік Корея АҚШ-қа Covid-19 анықтайтын 600 мың тест жібереді

14 сәуірде Оңтүстік Корея мемлекеті Құрама Штаттарға коронавирус инфекциясын анықтайтын 600 мың тест сатпақ. Бұл туралы Reuters агенттігі хабарлады.

Өйткені 25 наурызда Ақ үй басшысы Дональд Трамп Оңтүстік Корея президенті Мун Чже Инге тапсырыс берген болатын. Бұған дейін де корей компаниялары АҚШ-қа бірнеше мәрте тест жіберген.

Медициналық құралдар Федералды агенттіктің ұшағымен Вашингтонға 14 сәуірде жеткізіледі. Ал жақын күндері ресми Сеул тағы да 150 мың дана тестті Вашингтонға сатпақ.

Джонс Хопкинс Университетінің соңғы мәліметі бойынша, АҚШ-та вирус жұқтырғандардың саны 550 мыңнан асып, оның 21 мыңнан астамы қаза тапты. Нью-Йорк штатындағы науқастардың саны шамамен 190 мыңға жетіп, оның 9 мыңы қайтыс болды. Қазір бұл ел  вирус жұқтыру және індеттен қаза табу көрсеткіші бойынша көш бастап тұр. Одан кейінгі орындарда Италия, Испания және Франция мемлекеттері тұр.

Ал әлем бойынша Covid-19 жұқтырғандардың саны 1,85 миллионнан, қаза тапқандардың саны 114 мыңнан асқан.

Табиғат Нұрболат

Жаңалықтарға жазылу: