Ресми өкілдің айтуынша, қазақстандықатардан жеке куәліктегі аты, тегі және әкесінің атына байланысты сұрақтар жиі түседі. Талғат Уәли отандастардан түскен толассыз сауалдарға нүкте қойды, деп хабарлайды inbusiness.kz сайты.
“Бұл норма "Неке және отбасы туралы" кодексімен реттеледі. Әділет министрлігі толық аты-жөнінің емлесіне енгізілген өзгертулер санының статистикасын жүргізбейді. Сондай-ақ кодекске сәйкес, "тегі", "ұрпағы", "немересі", "шөбересі", "келіні" секілді жалғаулардың жалғануына рұқсат жоқ”, – деді Талғат Уәли.
Айта кетейік, неке (ерлі-зайыптылық) және отбасы туралы" кодексіне сәйкес, неке (ерлі-зайыптылық) қию кезінде ерлі-зайыпты өз өтініштері бойынша ортақ тегі ретінде біреуінің тегін таңдайды немесе ерлі-зайыптының әрқайсысының некеге дейінгі тегі сақталады. Сондай-ақ біреуі (екеуі де) өз тегіне жұбайының тегін қоса алады. Ерлi-зайыптылардың кем дегенде бiреуiнiң некеге дейiнгi тегі қосарланған болса, фамилияларды біріктіруге рұқсат жоқ.
Неке қиюды (ерлі-зайыпты болуды) мемлекеттік тіркеу кезінде тегі өзгерген жағдайда азамат бір ай мерзімде жеке басын куәландыратын құжаттарды ауыстыруы қажет.
