Қырғызстан 8 айда 40 мың тонна сүт өнімдерін экспорттады, оның 80%-ы Қазақстанға жіберілді, - деп хабарлайды inbusiness.kz, tazabek агенттігіне сілтеме жасап.
Еске сала кетсек, 21 сәуір мен маусым аралығында Россельхознадзор Қырғызстаннан сүт өнімдерін әкелуге тыйым салды.
"Россельхознадзордың Қырғызстаннан сүт өнімдерін әкелуге уақытша шектеу енгізуі бізге өте тиімді болды. Сондай-ақ, біз Қырғызстаннан Қазақстанға сүт өнімдерін экспорттау көлемін ұлғайттық", - деп мәлімдеді Қырғыз Республикасының Ауыл шаруашылығы министрі.
"Біз өзбек нарығын игердік. Қазірдің өзінде Өзбекстанға 2 мың тоннаға жуық сүт өнімдері экспортталды. Ал, 10-нан астам компания Өзбекстан тізіліміне сүт өнімдерін Қырғызстаннан экспорттау мақсатында енгізілген", - деді Асқарбек Жәнібеков.
Россельхознадзор мәліметтері бойынша, Қырғызстандағы сүт зауыттары құжатсыз сүтті қолданған. Сонымен қатар, өнімдерді таңбалаусыз сақтады.
