Жогорку Кенеш отырысында Қырғызстан Сыртқы істер министрінің орынбасары Алмаз Иманғазиев ведомство Қазақстанмен шекарадағы өткізу пункттерінің санын көбейту бойынша жұмыс жүргізіп жатқанын хабарлады, деп жазады inbusiness.kz сайты.
"Біз навигациялық пломбаларды енгізу бойынша жұмыс жүргізіп жатырмыз. Қазақ тарапымен үздіксіз келіссөздер жүргізіп келеміз. Шекарада жүк көліктерінің кептелісі мәселесі біртіндеп шешіледі деп сенемін", – деді ол депутаттарға.
Отырыста сонымен қатар "Қырғызстан мен Қазақстан арасындағы одақтастық қарым-қатынасты тереңдету және кеңейту туралы келісімді ратификациялау туралы" заң жобасын қарау кезінде қырғыз депутат Ұлықбек Ормонов Қазақстанмен бірқатар келісімдер бар екенін, онда автомобиль және теміржол қатынасын жақсартуға және жүктердің уақытылы жеткізілуін қамтамасыз етуге міндеттенетіні туралы тармақ барын алға тартты.
Алайда, депутаттың айтуынша, келісім еш нәтиже көрсетіп отырған жоқ, жыл сайын Қырғыз Республикасынан ауылшаруашылық өнімдерін экспорттау маусымында Қазақстан Республикасымен шекарада жүк көліктері уақытылы өте алмай келеді.
