Қырғызстан көршілеріне қанша су қажет болса, сонша береді

Бұл туралы Кабар ақпарат агенттігіне берген сұхбатында Қырғыз Республикасының Президенті Садыр Жапаров мәлімдеді.

Қырғызстан көршілеріне қанша су қажет болса, сонша береді Фото: turkmenportal.com

Биыл Қырғызстанда суару суының тапшылығын шешу үшін жаңа тәуліктік (ТРБ) және онкүндік реттеуші (ОРБ) бассейндері салынады. Бұл көршілес елдерді де сумен қамтамасыз етеді, деп хабарлайды inbusiness.kz сайты Кабар ақпарат агенттігіне сілтеме жасап.

Қырғызстандағы ТРБ және ОРБ-да су жинау суару маусымы кезінде судың төменгі жағындағы елдерге көмектесе ме деген сұраққа Садыр Жапаров түсініктеме берді. Оның тапсырмасымен ел бойынша жаңа тәуліктік және онкүндік реттеуші бассейндер салынатынын, сондай-ақ қолданыстағылары тазартылатынын, бұл өз кезегінде суару маусымында ағынды суға қатысты даулар туындайтындықтан, ең алдымен төменгі ағыстағы көршілес елдерге пайда әкелетіні атап өтілді.

"Қыста ТРБ және ОРБ-ға еріген суды жинайтын болсақ, көктемнен бастап өзен суы көршілерге толығымен ағып кетеді. Яғни олар бұрынғыдан да көп су алады. Суару маусымында диқандарымыз ТРБ және ОРБ суын, ал көршілеріміз ағынды суды пайдалана алады.

Өткен жолы Бішкекті су басып кеткенін көрдіңіз. Жоғарғы тәуліктік реттеуші бассейндердің жоқтығынан су қалаға ағып, көшелерді су басты. Егер ТРБ болса, бұл суды сақтауға болар еді. Бұл жағдай еліміздің барлық аймақтарында орын алып отыр. Егер қыста су қорын жинасақ, ол көршілерімізге де молынан жетер еді.

Қыста ағып жатқан ағынды суды кейіннен дау тумас үшін тиімді пайдалануға тырысамыз. Көршілерімізге қанша су қажет болса, сонша береміз. Солай болады", – деп түсіндірді президент.

Қырғызстан басшысының айтуына сәйкес, өткен жылдары салынған ТРБ мен ОРБ тазартылмаған. Осыған байланысты, су деңгейі жеткіліксіз жиналып, суару маусымында жергілікті шаруалар су тапшылығын көрген. Биыл барлық бассейндерде тазалау жұмыстары жүргізіледі.

Сонымен қатар, Қырғыз Республикасының Президенті Қамбар-Ата СЭС-1 салу мәселесіне де тоқталды.

"Бұл су электр стансасынан көршілер су ресурстары түрінде пайда көреді, ал Қырғызстан тек электр қуатын ғана алып отыр. Біз Нарын суының 1 пайызын ғана суару мен ауыз суға пайдаланамыз, ал 99 пайызы Өзбекстан мен Қазақстанға кетеді. Қамбар-Ата СЭС-1 салынып біткенде, біз оны қыста электр қуатын өндіруге, ал суару маусымында көршілерімізге Токтогул СЭС-та жиналған суды жеткілікті мөлшерде беруге мүмкіндік аламыз", – деді Садыр Жапаров.

Сондай-ақ, оның айтуынша, Қырғызстан қыста электр қуатын өндіру үшін Токтогул су электр стансасын қолданатынын, алайда елді электр қуатымен қамтамасыз ету үшін жазда келесі қысқы кезеңге суды үнемдеу үшін оны тоқтатуға тура келеді.

Қазіргі таңда, олар осы мәселелерді шешу үшін жұмыс істеп жатыр.

"Біз өзімізді ғана емес, көршілерімізді де ойлаймыз. Мәңгілік көрші болған соң, ең маңызды мәселелерді ойлауымыз керек. "Су басында болып, су бермейміз" деп айту әбестікке жатады. Бәріміз — бауырлас халықпыз, мәңгі көршіміз және бір-бірімізге тәуелдіміз. Барлығын тізбей-ақ қояйын, мұны халық жақсы біледі", – деп қорытындылады ол.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу