Қырғызстан президенті Садыр Жапаровтың Моңғолияға мемлекеттік сапары аясында ауыл шаруашылығы саласындағы бірқатар екіжақты құжаттарға қол қойылды. Бұл туралы Қырғызстан Ауыл шаруашылығы министрлігінде хабарланды, деп жазады inbusiness.kz.
Атап айтқанда, Қырғызстан мен Моңғолия үкіметтері арасындағы ауыл шаруашылығы саласындағы ынтымақтастық туралы келісімге, Қырғызстан ауыл шаруашылығы министрлігі мен Моңғолияның орман экожүйелерін дамыту саласындағы қоршаған орта және туризм министрлігі арасындағы өзара түсіністік туралы меморандумға және басқа да құжаттарға қол қойылды.
Сонымен қатар, Садыр Жапаровтың Моңғолияға алғашқы мемлекеттік сапары аясында елдердің басшылары Қырғызстан мен Моңғолияның достық пен ынтымақтастық орнату туралы бірлескен декларациясына қол қойды.