"Ұлттық қауіпсіздік комитеті 2021 жылғы маусымда шетел серіктестерімен өзара іс-қимылда Қырғызстан мен Өзбекстаннан Қазақстанға апиын есірткісін контрабандалық жеткізу арналарының жолын кесу бойынша 2 халықаралық операцияны іске асырды. Арнайы операция нәтижесінде 12,3 кг ауыр есірткі құралының Қазақстанға келіп түсуіне жол берілмеді. Өзбекстан мен Қазақстан аумағында трансұлттық құрылымдардың 4 қатысушысы қылмыс үстінде ұсталды", – деп жазылған хабарламада.
Тараз қаласында Қырғызстаннан жеткізілген есірткіні жасырылған жерден алу кезінде есірткі курьері – бұрын есірткі қылмысын жасағаны үшін сотталған Қазақстан Республикасының азаматы ұсталды.
Фигуранттар кінәларын мойындаған.
ҰҚК Қазақстан үшін есірткінің негізгі қауіп-қатерінің бірі "ауған факторы" екеніне тоқталды. Ауғанстандағы тұрақсыз жағдай Орталық Азия елдері арқылы Ресей мен Еуропаға есірткі ағынын күшейтуге ықпал етеді.
