/img/tv1.svg
RU KZ
Hang Seng 27 316,53 DOW J 28 998,32
FTSE 100 7 403,92 РТС 1 524,71
KASE 2 373,34 Алтын 1 645,90
Қырғызстан мен Тәжікстан шекарасында тағы қару қолданған қақтығыс болды

Қырғызстан мен Тәжікстан шекарасында тағы қару қолданған қақтығыс болды

Қақтығыстың алдын алу үшін оқиға орнына Қырғызстанның шекарашылары мен құқық қорғау органдары қызметкерлері келген. 

25 Тамыз 2019 12:46 589

Қырғызстан мен Тәжікстан шекарасында тағы қару қолданған қақтығыс болды

Қырғызстан шекарашылары қырғыз-тәжік мемлекеттік шекарасының учаскесінде Қырғызстан мен Тәжікстан азаматтары арасындағы қақтығыс кезінде қару қолданды, деп сенбіде «Интерфаксқа» Қырғызстан мемлекеттік шекара қызметінің баспасөз қызметі хабарлады.

«Лейлек ауданының Борбордук елдімекенінде 15.30-да (Мәскеу уақытымен сағат 12:30) Қырғызстан мен Тәжікстанның шекаралас аймақтарының тұрғындары арасында қақтығыс болды. Тәжікстанның 20 шақты азаматы Жаны-Жер ауылдық кеңесі тұрғынынан аумақта қоршау салуды тоқтатуды талап етті. Олар оның үйі мемлекеттік шекараның жазылмайтын учаскесінде орналасқанын сылтауратып, қоршауды бұза бастады», - дейді ақпарат көзі.
Оның айтуынша, қақтығыстың алдын алу үшін оқиға орнына Қырғызстанның шекарашылары мен құқық қорғау органдары қызметкерлері келген. «Тәжік азаматтары қырғыз жауынгерлеріне тас лақтырып, қаруларын тартып алу үшін оларға шабуыл жасай бастады. Қақтығыс өршіп кетпес үшін, қырғыз шекарашылары ауаға екі оқ атып, содан кейін тәжік азаматтары өз аумағына қашып кетті», - деді ведомстводағылар.

Қырғызстан Мемлекеттік шекара қызметінің мәліметінше, қазіргі уақытта мемлекеттік шекараның қырғыз-тәжік учаскесіндегі жағдай тұрақты. «Тәжікстан тарапы түсіндіру жұмыстарын жүргізгеннен кейін, шекаралас ауылдың тұрғындары тарап кетті», - деді өкілі.

Қырғыз-тәжік шекарасының ұзындығы 971 шақырым. Тараптар арасындағы шекара сызығын делимитациялау туралы келіссөздер 90-жылдары басталды, бірақ содан кейін бұл процесс тоқтап, екі жыл бұрын басталды. Бүгінгі таңда 971 шақырымның  583 шақырымы сипатталған.

inbusiness.kz-ті қараңыз, оқыңыз :

Грузияда халық тағы да митингіге шықты

Сонымен қатар «Бірыңғай ұлттық қозғалыс» оппозициялық партиясының өкілдері де митингіге шыққан. 

27 Маусым 2019 10:49 203

Грузияда халық тағы да митингіге шықты

Грузия ішкі істер министрі Георгия Гахарияның отставкаға кетуін талап еткен халық Тбилисидегі парламент ғимаратының алдына тағы митингіге шықты, деп хабарлайды Интерфакс-Қазақстан.    

Акцияға қатысушылар талаптары орындалғанша наразылық жалғасатынын айтты 

Олардың сөзінше, Гахария 20-21 маусым күнгі парламентті басып алуға қатысқандарға құқық қорғау органдары арнайы құралы қолданып, зардап шеккендер үшін жауап беру керек деп есептейді.         

Сонымен қатар парламент алдында «Бірыңғай ұлттық қозғалыс» оппозициялық партиясының өкілдері митингіге шыққан. Олар БҰҚ мүшесі, депутат Никанор Мелияның мәртебесін уақытша тоқтату және оған қатысты қылмыстық қудалау туралы бас прокуратураның өтінішін қанағаттандыруға қатысты Грузия праламентінің қабылдаған шешіміне наразылық білдіруде. 

Еске салар болсақ, 20 маусым күні Грузияға параламентаралық православия  ассамблеясының  бас ассамблеясына қатысуға ресейлік депутаттардың келуіне байланысты тәртіпсіздіктер орын алған болатын. Отырыс Грузия парламентінің ғимаратында өтіп, Ресей депутаттарын бастап келген Гаврилов регламент бойынша спикердің орнына отырған болатын. Бұл грузиялық оппозияныңа қарсылығын тудырған еді. 

Елге оралған жағдайда қылмыстық жауапкершілікке тартылуы мүмкін

Ұлттық қауіпсіздік комитеті төрағасының орынбасары Сирия, Ирак және Ауғанстандағы қақтығыс аймақтарында жүрген әйелдер туралы осылай деді.

29 Қаңтар 2019 16:59 321

Елге оралған жағдайда қылмыстық жауапкершілікке тартылуы мүмкін

От пен оқтың ордасына айналған қақтығыс аймақтарында 300-ден астам қазақстандық жүр. Бұл туралы сенаттың халықаралық қатынастар, қорғаныс және қауіпсіздік комитетінің отырысында мәлім болды, деп хабарлайды 24.kz.

Ұлттық қауіпсіздік комитеті төрағасының орынбасарының мәліметінше, оның 100-ге жуығы қолына қару алып, содырлар қатарына қосылған. Нұрғали Білісбеков Сирия, Ирак және Ауғанстандағы қақтығыс аймақтарында шамамен 250 қазақстандық азаматша барын айтты. Әйелдердің көбі шекараны заңсыз кесіп өткен күйеулерінің соңынан кеткен.

«Елімізде қылмыстық жауапкершілікке тартылғандар да бар. Дегенмен, бүгінгі күні қақтығыс аймағында қазақстандық әйелдер әлі де жүр деген мәлімет бар. Біз олардың әрекеттеріне қылмыстық құқық тұрғысынан баға береміз. Сондықтан елге оралған жағдайда қылмыстық жауапкершілікке тартылуы мүмкін», – дейді Нұрғали Білісбеков.

Жаңалықтарға жазылу: