Қырғызстанның Есік-Ата ауданының 40-қа жуық фермері Бішкектегі Үкімет үйіне митингке шықты, деп жазады inbusiness.kz тілшісі 24.kg ақпарат агенттігіне сілтеме жасап.
Агенттік хабарлағандай, наразылықтардың себебі суармалы судың жетіспеушілігі болды.
"Барлық мәселе - Есік өзенінің су қоры биыл секундына 5 текше метрге дейін төмендеді, өткен жылы 10 текше метр болатын. Біз мәселені шешу жолдарын саралап, Аламедин өзенінен су беретін болдық. Сондықтан проблема алдағы екі күнде шешілуі керек. Су жеткіліксіз болғандықтан, суару кезегін енгізуге тура келді, бірақ ешкім өз кезегін күткісі келмейді", — деді жергілікті су ресурстары қызметінің директоры Алмазбек Сокеев.
Бұрын суармалы судың жетіспеушілігіне басқа аудандардың фермерлері де шағымданды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
