Қырғызстанның Орталық сайлау комиссиясы жақында өткен парламенттік сайлаудың қорытындысы заңды күшке ие емес деп таныды. Бұл туралы комиссия мүшесі Гүлнәр Джурабаева мәлім етті.
"Орталық сайлау комиссиясы сайлау қорытындысын жою туралы шешімге келді", – деп жазды Facebook-тағы парақшасында.
Сайлау 4 қазанда өткен болатын. Парламенттің жаңа құрамындағы 120 орынға 16 партия таласты. Алдын ала дерек бойынша, парламентке "Бірімдік", "Мекенім Қырғызстан", "Қырғызстан", "Бүтін Қырғызстан" партиялары кірді.
Жеңіліс тауып, парламентке енбей қалған партиялардың жақтастары ереуілге шығып, қайтадан сайлау өткізуді талап еткен еді. Құқық қорғаушылармен арадағы қақтығыс кезінде жүздеген адам жарақат алып, 1 адам қаза тапты.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
