Қырғызстанда жанар-жағармай құны 2-2,5 сомға арзандауы мүмкін, деп хабарлады Қырғызстан үкіметі аппаратының ақпаратпен қамтамасыз ету бөлімі.
Таратылған ақпаратқа сәйкес, ақпан айында жанар-жағармай жаңа мұнай өнімдері келгеннен кейін арзандайды.
"Есеп бойынша, мұнай өнімдерін Ресейден Қырғызстанға тасымалдау шығындары тоннасына 48 доллардан 45 долларға дейін (мұнай өңдеу зауыты мен шекараның қашықтығына байланысты) азайды", - деп мәлімдеді үкімет аппаратының экономика және инвестициялар бөлімінің меңгерушісі Николай Чуйков.
Ол соңғы 3 айда ресейлік жанар-жағармай нарығында мұнай өңдеу зауыттарына деген көтерме-босату бағасы тоқтаусыз өскенін атап өтті.
Оның сөзінше, 2016 жылдың қазан айынан 2017 жылдың қаңтар айына дейін жанар-жағармай бағасы 10%-дан 18%-ға дейін өскен. Сонымен қатар отандық нарықтағы бөлшек бағасы орташа алғанда 1%-ға дейін көтерілген.
