АҚШ Қаржы министрлігі Ресейге санкцияланған тауарларды жеткізген 4 қырғызстандық компанияға санкция жариялады, деп жазады inbusiness.kz қырғызстандық БАҚ-қа сілтеме жасап.
АҚШ Қаржы министрлігінің санкциялар тізіміне ресейлік "Базис Трейд Прософт", "Радиотехснаб", "Регион-проф", "Технологии, системы и комплексы" және "СиАйСи" компаниялары да енді. Оларға қырғызстандық компаниялар өз өнімдерін жеткізді деген ақпарат тарады.
"Ресей Украинаға басып кіргеннен бері Қырғызстанда орналасқан компаниялар Ресейге электронды компоненттер мен басқа технологияларды экспорттап келген", - деп хабарлады АҚШ Қаржы министрлігі.
Айта кетейік, осыған дейін Қырғызстан санкциялардан сескеніп отырмағанын жазған болатынбыз. Бұл ретте Австралия 35 ресейлік ұйымға қатысты жаңа санкциялар жариялады.
