Қырғызстанның Ұлттық қауіпсіздік мемлекеттік комитетінің (ҰҚКК) қызметкерлері киберқылмыспен айналысатын халықаралық топты анықтап, залалсыздандырды. Бұл туралы ведомствоның баспасөз қызметі хабарлады, деп хабарлайды inbusiness.kz сайты.
"Ыстықкөл облысының Қаракөл қаласында ҰҚКК органдары Қырғыз Республикасының аумағында киберқылмыстармен және қылмыстық жолмен алынған кірістерді заңдастырумен айналысқан халықаралық трансұлттық қылмыстық топтың құқыққа қарсы қызметін анықтап, жолын кесті", - делінген ресми мәлімдемеде.
ҰҚКК ақпараты бойынша, қылмыстық топқа республикаға туристердің кейпімен келген 13 қытай азаматы кірді. Олар арнайы әзірленген бағдарламалар, электрондық ақпаратқа заңсыз қол жеткізу және киберқылмыс іздерін мұқият жасыру арқылы кейіннен табыс табу арқылы күмәнді халықаралық қаржылық операцияларды жүргізді.
"Күдіктілер Қытайда, Гонконгта және Малайзияда тұратын ҚХР азаматтарына қатысты алаяқтықпен айналысты. Ұсталғандар тұратын жерлерде тінту жүргізілді. Алынған компьютерлердегі ақпаратты зерттеу нәтижелері шетелдіктердің заңсыз әрекеттерін растайды", - делінген хабарламада.
Ведомствода нақтыланғандай, алаяқтардан зардап шеккендердің тізімін анықтап, құрылған сенімгерлік қатынастар негізінде алдау арқылы басқа адамдардың активтерін иемдену мақсатында әлеуетті құрбандармен байланыс орнатуға іс-қимылдардың егжей-тегжейлі алгоритмі бар нұсқаулықтарды табуға мүмкіндік туды.
"Ұсталған ҚХР азаматтары мен заттай дәлелдемелер тиісті іс-шараларды ұйымдастыру үшін қытай тарапына ресми түрде берілді", - деп қорытындылады ҰҚКК.
