Салтанатты жүріп өту рәсіміне арналған экипировкадағы ел атауы латын әліпбиімен ана тілімізде "Qazaqstan" болып жазылады.
Ұлттық Олимпиада комитетінің мәліметінше, бұл форманы отандық ZIBROO компаниясы шығарған. Ал коллекцияны ресейлік дизайнер, Дмитрий Шишкин дайындаған.
Оны әзірлеуге бір жылдан аса уақыт кетіпті. Олимпиадаға қатысушылар қазір карантинде болғандықтан, форманы таныстыруға жазғы спорт түрінің майталмандары шығыпты.
Айтып өтейік, төрт жылдықтың басты додасы 4 ақпан күні басталып, 16 күнге созылады. Қазақстан командасы айтулы додада спорттың сегіз түрінен бақ сынайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
