Қытай мен Азияның тағы 14 елі әлемдегі еркін сауда туралы ең ауқымды келісім жасаспақ. Тараптар құжатқа Оңтүстік-шығыс Азия елдерінің ассоциациясының саммитінде қол қояды.
Келісімге Жапония, Аустралия, Жаңа Зеландия сияқты елдер қатысады. Ескере кететін жайт, осы 15 елдің жалпы халық саны шамамен 2,2 млрд-қа жетеді. Сауда келісімі баж салығын төмендетуге, жеткізілім тізбегін нығайтуға, электронды саудаға қатысты жаңа ережелерді жүйелеуге бағытталады.
Бұған дейін Bloomberg басылымы Қытай экономика бойынша АҚШ-тан басып озады деп болжаған еді. Кей сарапшылардың пікірінше, егер алдағы жылдары Қытай ЖІӨ-нің өсу қарқыны қазіргідей болса, ол 10 жыл ішінде Құрама Штаттарды артта қалдырады. Қазіргі таңда Қытай экономикалық әлеуеті жағынан АҚШ-тан кейін екінші орында тұр.
Табиғат Нұрболат
