"DiDi Travel қосымшасы тексерістен өткеннен кейін жеке мәліметтерді жинау және пайдалану кезінде заңды өрескел бұзылғаны анықталды. ҚХР "Желілік қауіпсіздік" жөніндегі заңға енгізілген қосымшаға сәйкес, Киберқауіпсіздік әкімшілігі қосымшалар дүкеніне DiDi Travel қосымшасының жойылатынын ескертті. Сондай-ақ, DiDi Travel Technology Co., Ltd-дан заңнама талаптарын сақтауды, сонымен қатар орасан көп қолданушылардың жеке мәліметтерін тиімді түрде қорғау үшін проблемаларды шешуді талап етті", - делінген Қытайдың киберқауіпсіздік әкімшілігінің хабарламасында.
DiDi өз қызметі барысында адамдардың қозғалысы турасында орасан көп мәліметтерді жинақтайды.
Осы ретте DiDi таксиі Қазақстан нарығына кіріп, жұмыс жүргізіп жатқанын да айта кету керек. Осыдан бір апта бұрын бұл такси Алматы мен Нұр-Сұлтан қалаларында жұмысын бастап кеткен. Компания таксопарктермен байланыс орнатқан.
