2020 жылдың үшінші тоқсанында Қытайдың ЖІӨ-і өткен жылғы көрсеткішпен салыстырғанда 4,9%-ға өсті. Яғни бұл фактор экономика қарқынының індетке дейінгі деңгейге оралғанын білдіреді. Bloomberg басылымының хабарлауынша, ел экономикасы 2019 жылдың үшінші тоқсанындағы көрсеткішке қарағанда 0,7%-ға өскен, дегенмен тұтынушылық сұраныс әзірге төмен деңгейде.
Бұған дейін бірінші тоқсанда елдің ЖІӨ ұлттық локдаун мен карантин салдарынан 6,8%-ға кеміген еді.
Тағы бір жайт, үшінші тоқсанда өндіріс көлемі 0,7%-ға артқан. Бұл дегеніңіз экономикалық алпауыттың біртіндеп қалып келгенін аңғартады. Сонымен қатар қыркүйекте бөлшек сауда көлемі 3,3%-ға, өнеркәсіп өндірісі 6,9%-ға өсіп, инвестиция қарқыны соңғы тоғыз айда 0,8%-ға дейін жеткен.
Басылымның хабарлауынша, Қытай экономикасының тез қалпына келуінің сыры – коронавирус індетінің "агрессивті" түрде тежелуінде. Жергілікті билік қабылдаған қатаң шаралары зауыттардың тез арада ашылуына, індет кезінде медициналық құрылғыларға деген жаһандық сұраныстың өсуінен пайда табуға септігін тигізген.
Табиғат Нұрболат
Фото: cnbc.com
