Ол салада айтарлықтай өсім байқалғанын атап өтті.
"2021 жылғы 9 айда транзиттік контейнерлік тасымал көлемі 795 мың 20 фунттық эквиваленттен асты, бұл өткен жылғы сәйкес кезеңімен салыстырғанда 28%-ға жоғары. Сондай-ақ биыл 9 айда Қазақстан аумағы арқылы өтетін "Қытай-Еуропа-Қытай" бағыты бойынша жүк тасымалының көлемі 41%-ға өсіп, 493 мыңнан аса 20 фунттық эквивалент болды", – деді басқарма төрағасы Қытайдың Ляньюньган қаласында өткен Қазақстан-Қытай іскерлік кеңесінің кәсіпкерлер форумында.
Сондай-ақ Нұрлан Игембаев еліміз арқылы өтетін контейнер маршруттары Ресейде жоғары сұранысқа ие екенін атап өтті.
"9 айда "Қытай-Ресей-Қытай" бағыты бойынша жүк тасымалының көлемі 47 мың 20 фунттық эквиваленттен асты, бұл өткен жылдың сәйкес кезеңімен салыстырғанда 66%-ға жоғары. Жыл басынан бері "Қытай-Орталық Азия" бағыты бойынша жүк тасымалы көлемі 168,2 мың 20 фунттық эквивалент болды, бұл 2020 жылдың сәйкес кезеңімен салыстырғанда 11%-ға жоғары", – деп түйіндеді сөзін басшы.
