8-ші наурыздан бастап Қытай, Иран және Оңтүстік Корея азаматтарына Қазақстанға кіруге тыйым салынады, деп хабарлайды Atameken Business. Тіпті осы мемлекеттерден келетін транзиттік жолаушылардың кіруіне де шектеу енгізіледі. Бұл туралы Индустрия және инфрақұрылымдық даму вице-министрі хабарлады.
Берік Қамалиевтің айтуынша, шешімді Үкімет жанындағы ведомствоаралық комиссия короновирустің тарауын болдырмау үшін қабылдаған. Сонымен бірге, Құрық және Ақтау порттары Иран мен Әзербайжаннан автопаромдарды уақытша қабылдамайды. Бірақ бұл шектеудің жүк тасымалына қатысы жоқ.
Айта кетейік, қазіргі уақытта коронавирустен қаза тапқандардың саны 3 мың 301-ге жетті. Індетті жұқтырғандардың саны 96 мың 276 адам.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
