Bloomberg агенттігінің дерегі бойынша, тамыз айында кәсіпорын бағалары өткен жылмен салыстырғанда 0,8 пайызға қысқарған. Тұтынушы бағасының индексі 2,8 пайызға көтерілген.
Осы орайда өткен аптада елдің Орталық банкі қолдағы қаражатты қысқартуды қолға алған болатын. Бірақ кей сарапшылардың ойынша, елдегі сұранысты ынталандыру үшін қосымша шаралар қабылдануы қажет.
Калифорния университетінің профессоры Виктор Ши: "тұтынушы бағасының позитивті индексі мен өндірушілер бағасының негативті индексінің әсерін көлік өндірушілері мен IT саласындағы фирмалар сезіп отыр", – деді.
Оның айтуынша, сауда соғысы фирмалардың бағаны белгілеу қабілетін әлсіретіп отыр. Өйткені өндірушілер азық-түлік бағасының өсуіне байланысты қызметкерлерінің жалақысын көтеруге мәжбүр. Салдарынан кейбір фирмалар қаржылық қиындықтарға тап болуы мүмкін.
Табиғат Нұрболат
