Алдағы бірнеше жылда олар Қытайда ірі ет комбинатын іске қосуды жоспарлап отыр. Оның жұмыс істеуі үшін ҚХР Қазақстаннан мал сатып алмақшы. ҚР Премьер-Министрінің орынбасары Серік Жұманғариннің айтуынша, жеткізудің жоспарланған көлемі 80 мың басқа дейін жетеді, деп хабарлайды inbusiness.kz тілшісі ҚХА ақпараттық агенттігіне сілтеме жасап.
"Біздің тараптарымыз ҚХР-ға қазақстандық ауыл шаруашылығы өнімдерін жеткізу көлемін арттыруға бірдей мүдделі. Біз Қытайға сиыр және құс етінің экспортын ашу бойынша келіссөздердің соңғы кезеңіне жеттік. Алашаңқайда таяу жылдары ірі ет комбинатын іске қосу жоспарлануда, ол үшін Қазақстаннан 80 мың басқа дейін ірі қара мал сатып алу жоспарлануда", - деді С.Жұманғарин әлеуметтік желідегі парақшасында.
Өткен көктемде Серік Жұманғарин 2023 жылы ресейлік ет кәсіпорнын ашу жоспарланып отырғанын, Ауыл шаруашылығы министрлігі Қытайдың бас кеден басқармасымен де келіссөз жүргізетінін мәлімдеген.
Ал сарапшылар Қытайдың Қазақстанға әлемдік ет нарығын ашатынына күмән келтірді.
Десе де, үкімет олардың туындап жатқан кедергілерді шеше алатынына және экспорттың ашылатынына сенімді.
