Биылғы қаңтар-мамыр айларында Қазақстанның Қытаймен тауар айналымы 10,7 млрд долларға жеткен. Бұл былтырғыға қарағанда 21,6%-ға артық, деп жазады inbusiness.kz finprom.kz порталына сілтеме жасап.
Тауар айналымының басым бөлігін бір жылда 4,1%-ға қысқарған экспорт құрады: 4,9 млрд доллап. Қазақстаннан Қытайға экспорттың үлесі 15,4% болды.
Импорт 56,3%-ға өсті: 5,9 млрд доллар. Елдің импорт құрылымындағы Қытайдың үлесі 24,2%-ды құрады.
Қазақстаннан Қытайға кеткен экспорттың басым бөлігін битуминозды минералдардан алынған шикі мұнай мен мұнай өнімдері құрады: 1,3 млрд доллар.
Үштік қатарында тазартылған мыс пен өңделмеген мыс қорытпалары (676,6 млн доллар), сонымен қатар бейорганикалық химия өнімдері (388,3 млн доллар) құрады.
Өз кезегінде Қазақстан Қытайдан киім-кешек пен өзге де трикотаж бұйымдарын импорттады: 441 млн доллар, бір жылда 4,4 есе көп.
Бұдан бөлек Қытайдан телефондар, жеңіл көліктер, есептеу машиналары, моторлы көліктердің бөлшектері мен керек-жарақтары сатып алынған.
Маусым айында елімізде Қытайдың қатысуымен 2,1 мың компания жұмыс істеді (+37%).
Оның ішінде 750 кәсіпорын көтерме және бөлшек сауда секторында жұмыс істеді: жылдық өсім +40,4%.
Ең танымал салалардың бестігіне құрылыс, өңдеу өнеркәсібі, тау-кен өнеркәсібі, ақпарат пен байланыс енді.
