Жүк пойызы Гуйян қаласының (Гуйчжоу провинциясы) құрлық терминалынан Алматыға бет алды, деп хабарлайды inbusiness.kz Синьхуа агенттігіне сілтеме жасап.
Жүк пойызы, атап айтқанда, матрастар, балалар бұйымдары, керамикалық плиткалар әкеле жатыр. Оның жөнелтілуі Гуйян мен Орталық Азия арасындағы тікелей жүк теміржол қатынасының ресми ашылуын білдіреді.
Бүкіл маршрут бойына "автотеміржол-авто" жүк контейнерлерін мультимодальды тасымалдау схемасы қолданылады.
Пойыз бағыты Шыңжаң-Ұйғыр автономиялық ауданындағы "Қорғас" бақылау-өткізу бекеті арқылы өтеді, маршруттың соңғы нүктесі – Алматы.
Бір бағытта жүруге шамамен 11 күн кетеді. Қайтар жолда пойыз Қазақстаннан Гуйян қаласына 1300 тонна ауыл шаруашылығы өнімдерін тасымалдайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
