Қытай билігі атысты тоқтатуға және ҚХР СІМ сайтында жарияланған "бейбіт бастама" аясында Ресей мен Украина арасындағы бейбіт келіссөздерді бастауға шақырды, деп жазады inbusiness.kz DW сайтына сілтеме жасап.
Қытайдың "бейбітшілік жоспары" Ресей Федерациясының Украинаға қарсы соғысының аяқталуына ықпал етуі керек 12 қағиданы қамтиды. Алайда, құжатта "соғыс" сөзі қолданылмайды, құжаттың ағылшын тіліндегі нұсқасында авторлар оны "қақтығыс" пен "украин дағдарысы" сөздерімен алмастырған.
Сонымен қатар, құжат мәтінінде Украинаның Ресейдің өз аумақтарын басып алуымен келіспеу мәселелері қарастырылмаған және Ресей Федерациясының ешқандай әрекеті сынға алынбайды - Пекин тек "барлық елдердің егемендігі, тәуелсіздігі және аумақтық тұтастығы тиімді қорғалуы керек" деп көрсетеді. Құжаттың өзі тезистер жиынтығы түрінде ұсынылған және "Қытай украин дағдарысын саяси реттеудегі ұстанымы" деп аталады.
