Қытай жақында Тайванға сапарлай барған АҚШ-тың Өкілдер палатасының спикері Нэнси Пелоси мен оның жақын туыстарына қарсы санкциялар салады. Бұл турады ҚХР-дың Сыртқы істер министрлігі мәлім етті, деп хабарлайды inbusiness.kz.
2 тамызда АҚШ-тың Өкілдер палатасының спикері Нэнси Пелоси Тайванға барған еді. Ол аралға неліктен келгенін Тайвань әкімшілігінің басшысы Цай Инвэньмен кездесу барысында айтты. Кездесу жабық түрде өтті.
Қытай АҚШ-тың бұл қадамын айыптады. ҚХР-дың СІМ Пелосидің сапарына байланысты "сұрапыл" шаралар қабылданатынын жариялап, АҚШ-тың Қытайдағы елшісіне ескерту жасады. Ресми Бейжің спикердің Тайванға баруы "Бір Қытай" қағидатын және қытай-америкалық коммюникесінің ережелерін бұзып отырғанын мәлім етті.
Қазақстан, Қырғызстан, Өзбекстан және Тәжікстан "Бір Қытай" қағидатын қолдайтынын мәлім етті.
Табиғат Нұрболат
