Қытайдың Сыртқы істер министрі Ван И Украина төңірегіндегі шиеленіске қатысы бар барлық тараптар сабырлық сақтап, осы аймақтағы жағдайды ушықтыратын әрекеттерден бас тартуға шақырды. Бұл туралы ол АҚШ-тың мемлекеттік хатшысы Энтони Блинкенмен телефон арқылы сөйлескен кезде мәлім етті, деп хабарлайды inbusiness.kz Reuters агенттігіне сілтеме жасап.
"Украина мәселесін шешу Минск келісімдеріне оралу керек. "Минск-2" құжатын БҰҰ-ның Қауіпсіздік кеңесін мақұлдады. Бұл – барлық тараптар мойындаған саяси құжат, оның толықтай орындалуына қол жеткізу қажет", – деді ол.
Ресей НАТО әскерилерін Шығыс Еуропадан шығарылуын және Украинаның альянс құрамына ешқашан енгізілмеуін талап етіп отыр.
Бірақ Вашингтон мен оның НАТО-дағы одақтастары Мәскеудің талабын орындамайтынын білдірді. Дегенмен олар Ресеймен қаруды бақылау және еуропалық қауіпсіздікке қатысты басқа да мәселелерді талқылауға дайын екенін жеткізді.
Табиғат Нұрболат
