Бейсенбіден бастап Қытай елінде бензин мен дизель отынының бөлшек сауда бағасы көтеріледі, деп хабарлайды inbusiness.kz сайты Синьхуа ақпарат агенттігіне сілтеме жасап.
"Олардың құны – тиісінше 200 юаньға (шамамен 28,17 АҚШ доллары) және тоннасына 190 юаньға дейін артады", - деп мәлімдеді ведомство өкілдері.
Қытайдың қолданыстағы баға белгілеу механизміне сәйкес, шикі мұнайдың әлемдік бағасының өзгеруін ескере отырып, қазіргі таңда елде мұнай өнімдерінің бағасы реттеліп жатыр.
Сондай-ақ, ҚХР даму және реформалар жөніндегі мемлекеттік комитеті Қытайдың жетекші мұнай компанияларынан нарықтағы ұсыныстың тұрақтылығын қамтамасыз ету мақсатында мұнай өнімдерін өндіру мен тасымалдауды дұрыс ұйымдастыруды талап етті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
