Үш жетекші байланыс операторлары — China Telecom, China Mobile және China Unicom бұл қызметті ресми түрде іске қосты, деп хабарлайды inbusiness.kz сайты Синьхуа сайтына сілтеме жасап.
Алайда, абоненттерге eSIM қызметін қосу үшін әлі де оператор кеңсесіне бару қажет болады.
China Mobile eSIM технологиясы смартфондарды ғана емес, сонымен қатар смарт-сағаттарды, планшеттерді және автокөліктерге ендірілген құрылғыларды қоса алғанда, бүкіл өнім желісінде қолжетімді болатынын хабарлады.
Осы аптаның басында Apple компаниясының бас директоры Тим Кук Қытайдың Douyin қысқа бейне платформасында ресми Apple Store тікелей эфирінде күтпеген жерден шықты, онда ол Қытайда тек eSIM технологиясымен жұмыс істейтін iPhone Air смартфондарының шығарылатынын жариялады.
Оның айтуынша, құрылғыға алдын ала тапсырыс 17 қазанда басталады. iPhone Air Қытайдағы eSIM технологиясын пайдаланатын операторлар қолдайтын жалғыз модель болады.
eSIM технологиясы дәстүрлі SIM картасының барлық мүмкіндігін телефонның кірістірілген чипіне біріктіріп, пайдаланушыларға физикалық картаны салмай-ақ дауыстық қоңыраулар шалуға, ұялы деректерді пайдалануға және мәтіндік хабарлар жіберуге мүмкіндік береді.
