Шанхай маңындағы Янцзы өзенінің сағасында қиыршық тас тиелген жүк кеме мен танкер соқтығысып, салдарынан 14 адам із-түзсіз жоғалып кетті. Бұл туралы CGTN басылымы хабарлап жатыр.
Қайғылы оқиға 20 тамызда болған. Апат орнына келген құтқарушылар кеме экипажының 3 мүшесін ажал аузынан аман алып қалды. Оның біреуі қазір ауруханада, оған тиісті медициналық көмек көрсетіліп жатыр. Shine.cn дерегіне сүйенсек, 14 адам жанармай бар кемеде, 3 адам жүк кемесінде болған.
3 мың тонна бензин тиелген танкер сол бойда өртенген, ал жүк кемесі соқтығысқаннан кейін суға батып кеткен.
Қазір құтқару-іздестіру жұмыстары жүріп жатыр. Шанхай билігі осы орайда тікұшақтар, арнайы құтқарушы кемелер мен полицейлерді операцияға жұмылдырған.
Табиғат Нұрболат
Фото: people.cn
