Қытай халал стандарттарын жояды. Ганьсу провинциясының билігі діни экстремизмді тізгіндеу деген желеумен 4 халал талабын алып тастады, деп хабарлайды 24.kz.
Азық-түлік, мейрамхана, сүт өнімдері және кеспе өнімдерін халал деп тану жөніндегі жергілікті стандарттар жойылды. Жергілікті билік бұл тұтынушының құқын қорғау үшін қажет дегенді алға тартып отыр.
"Қытай діни мемлекет емес. Ислам ұстанатын халық та аз болғандықтан оны көп адам түсіне бермейді. Ал халал деген тап-таза деген ұғымды білдіреді де, халық одан жалған шықпайды деген түсінік қалыптасып қалған. Оны білетін саудагерлер өз өнімдеріне жеке пайдасын көздеп, "халал" белгісін жабыстыра береді. Ол дұрыс емес. Сондықтан ондай стандартты алудың талабын күшейту керек", – дейді "Динъюань" халықаралық мәдениет алмасу орталығының жетекшісі Юсую Лифэнь.
