Reuters агенттігінің хабарлауынша, Чжэцзян провинциясында табиғаттың тосын мінезінен 39 кісі мерт болған. 9 адам із-түзсіз жоғалып кеткен. Ал Шаньдун провинциясында 5 адам ажал құшып, 7-еуі жоғалғандар қатарында.
Кеше "Лекима" тропикалық дауыл деңгейіне дейін бәсеңсіген болатын. Апат салдарынан Цзянсу, Чжэцзян, Аньхой, Шаньдун, Фуцзянь провинцияларындағы 6 миллион адам зардап шеккен. Тайфунның арты жауын-шашынға ұласып, желдің жылдамдығы секундына 50 метрге дейін жеткен.
Қытай билігі аймақта қауіптіліктің ең жоғарғы деңгейін жариялап, 1 миллионға жуық адамды қауіпсіз жерге көшірді. Жергілікті биліктің есебінше, апаттан 2,2 млрд доллар көлемінде шығын келген.
Табиғат Нұрболат
Тайфун, жойқын жел, Лекима
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
