Қытайдың оңтүстігіне қарасты Гуандун провинциясындағы Maida көлік магистралінің учаскесі опырылып құлап, салдарынан 18 көлік үйінді астында қалды, деп хабарлайды inbusiness.kz сайты Синьхуа агенттігіне сілтеме жасап.
Көлік магистралы 1 мамырға қараған түні жергілікті уақыт бойынша сағат 02.10 шамасында опырылып құлаған. Апат Гуандун-Фудзянь трассасының бөлігінде болды.
Үйінділердің астында 18 көлік қалды. Құтқарылған 30-дан астам адам ауруханаға жатқызылды.
Трассадағы қозғалыс жабылған. Төтенше жағдай орнында шұғыл қызметтер жұмыс істеп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
