Қытайдың солтүстігіндегі Нинся-Хуэй автономиялық ауданындағы мейрамханадағы жарылыс кем дегенде 31 адамның өмірін қиды, 38 адам түрлі жарақат алған. Бұл туралы Синьхуа АА хабарлайды, деп жазады inbusiness.kz.
Агенттік хабарлағандай, төтенше жағдай Иньчуань қаласының көшелерінің бірінде (осы автономиялық ауданның әкімшілік орталығы) сәрсенбіде жергілікті уақыт бойынша 20.40-та (Астана уақытымен 18.40) болған.
Зардап шеккендердің барлығы жақын маңдағы ауруханаға жеткізілді, олардың біреуі өте ауыр жағдайда.
Оқиға орнында полиция жұмыс істейді.
ҚХР Төрағасы Си Цзиньпин зардап шеккендерді құтқару және емдеу, сондай-ақ Иньчуань қаласындағы мейрамханада жарылыс кезінде қаза тапқандар мен жараланғандардың отбасы мүшелерін қолдау үшін барынша күш салуды тапсырды.
