DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 286,33 Brent 36,55
Қытайдан келген қандасымыз филиппиндік боксшыны жеңді

Қытайдан келген қандасымыз филиппиндік боксшыны жеңді

Алматыда МТК қазақстан промоутерлік компаниясының ұйымдастыруымен «Жетісу жауынгерлері» кәсіпқой бокс кеші өтті.  

13 Қазан 2019 10:36 682

Қытайдан келген қандасымыз филиппиндік боксшыны жеңді

Қытайдан тарихи Отанына оралып, алғаш рет ел намысын қорғаған Елшат Нығметоллаұлы (14-0-1,5КО) кезекті жекпе-жегінде жеңіске жетті, деп хабарлайды ҚазАқпарат.

Елшат Алматы қаласында өткен «Жетісу жауынгерлері» кәсіпқой бокс кешінде шаршы алаңға шығып, филиппиндік боксшы Ардин Диалемен (35-14-4,17КО) 8 раунд бокстасты. Нәтижесінде отандасымыз төрешілер шешімімен жеңіске жетті.

Айта кетейік, бокс кешінде 8 қазақстандық және 1 өзбекстандық жас боксшылар рингке шығып, барлығы қарсыластарынан басым түсті.

25 жастағы Елшат Нығметолла 2014 жылы кәсіпқой боксқа ауысып, 2016 жылы WBO тұжырымы бойынша Қытай чемпионы, 2018 жылы WBC тұжырымы бойынша Азия чемпионы атанған болатын. Араға бір жыл алып ол Қазақстан азаматы атанып, бүгін кәсіби рингте алғаш рет ел намысын қорғады.

inbusiness.kz-ті қараңыз, оқыңыз :

Филиппинде тайфуннан зардап шеккендер саны 40-тан асты

Бұған дейін 28 адамның қайтыс болғаны туралы хабарланған. 

29 Желтоқсан 2019 16:06 287

Филиппинде тайфуннан зардап шеккендер саны 40-тан асты

Филиппинде «Урсула» деп аталатын Фанфон тайфуны салдарынан қаза тапқандар саны 41-ге жетті, деп хабарлайды батыс ақпарат құралдары.

Қайтыс болғандардың арасында - қатты желдің салдарынан аударылып кеткен үш қайықтың экипажы бар.

Бұған дейін 28 адамның қайтыс болғаны туралы хабарланған.

Рождествоның алдында Филиппинде басталған «Урсула» тайфуны осыдан бір күн бұрын аумақты тастап кетті. Желдің екпіні сағатына 200 км-ге жетті.

Тайфун салдарынан ондаған мың адам әлі күнге дейін уақытша тұру орталықтарында, оларға Жаңа жылға дейін осы жерде тұруға тура келуі мүмкін.

Тайфун 1,6 миллион адамға зиян әкеліп, Филиппиннің орталық бөлігінде, соның ішінде туристерге танымал жерлерді қаңыратып тастады. Елдің бірнеше аймағында 260 мыңнан астам үй қирап, электр энергиясы мен Интернет үзілген.

Билік аймақтың инфрақұрылымы мен ауыл шаруашылығына келтірілген залал 21 миллион доллар деп бағалап отыр.

Филиппинде мыңдаған тұрғын қауіпті аймақтардан көшірілді

Елге «Каммури» дауылы жақындап келе жатыр.

01 Желтоқсан 2019 15:19 309

Филиппинде мыңдаған тұрғын қауіпті аймақтардан көшірілді

Филиппинде «Каммури» дауылы жақындап келе жатуына байланысты мыңдаған тұрғын қауіпті аймақтардан көшірілді.

Мамандар дауыл жағалауға жексенбі күні кешке немесе дүйсенбі таңға қарай жетуі ықтимал деп отыр. Дауылдың әсерінен нөсер жаңбыр жауып, жылдамдығы сағатына 170 шақырымды құрайтын екпінді жел соғады.  

Билік өкілдері елде 30 қараша мен 11 желтоқсанға жоспарланған Оңтүстік-Шығыс Азия ойындарын өткізуді кейінге шегеру мәселесін қарастырып жатыр.

Жаңалықтарға жазылу: