Бұл туралы ШЫҰ Өңірлік терроризмге қарсы құрылымының (ӨТҚҚ) баспасөз қызметіне сілтеме жасай отырып, inbusiness.kz сайты хабарлайды.
Оқу-жаттығудың мақсаты – ШЫҰ мемлекеттерінің құзыретті органдарының өз аумақтарында, оның ішінде ақпараттық-коммуникациялық технологияларды пайдалана отырып, террористік акт жасау немесе жасау қаупі туындаған кезде бірлескен іс-қимылдары үшін арнайы терроризмге қарсы құралымдарды дайындау.
"ШЫҰ ӨТҚҚ Кеңесінің 2023 жылғы 8 қыркүйектегі шешіміне сәйкес Қытай Халық Республикасының Шыңжаң-Ұйғыр автономиялық ауданында ШЫҰ-ға мүше мемлекеттердің құзыретті органдары "Өзара іс-қимыл — Антитеррор — 2024" бірлескен терроризмге қарсы оқу-жаттығуларын дайындап, өткізді", – деп хабарлайды ШЫҰ ӨТҚҚ.
Мәлімдемеде қазіргі уақытта халықаралық әрі өңірлік қауіпсіздік ұйым мемлекеттеріне қауіп төндіретін жоғары террористік белсенділік аймақтарының болуымен сипатталатыны атап өтілді.
"Ірі шабуылдар бейбіт тұрғындардың жазықсыз өліміне әкеліп, ШЫҰ кеңістігінде қауіпсіздікке елеулі қауіп төндіреді", — делінген хабарламада.
Оқу-жаттығу барысында кибертерроризмге қарсы іс-шаралар мен террористік топ қызметінің жолын кесу бойынша бірлескен оқу операциясы өткізілді.
